21.11.2024 жылы №42 «Түймедақ» бөбекжай базасында Мобильді топ қызметінің жұмыс жоспары негізінде, мектепке дейінгі мекемелердің арнайы педагогтерына арналған «Инклюзивті білім берудің заманауи сын-қатерлері мен мәселелері» тақырыбында дөңгелек үстел ұйымдастырылды. Дөңгелек үстел мақсаты: инклюзивті білім берудің даму деңгейі бойынша өңірлік ерекшеліктерді ескере отырып, тәжірибе алмасу үшйн қатысушылар арасында диалог ұйымдастыру. Заманауи инклюзивті білім берудің проблемалық мәселелерін және оларды шешу жолдарывн қарастыру, инклюзивті білім берудің ерекшеліктерін ескере отырып, оқу-тәрбие процесін ұйымдастыру принциптерін кеңінен насихаттау.
Дөңгелек үстелді Ақтау қаласы бойынша білім бөлімінің Оқу-әдістемелік орталығының әдіскері Жилгельдина Гульназия Сериковна және №42 «Түймедақ» бөбекжай директоры ашып беріп дөңгелек үстелдің мақсатымен таныстырды. Дөңгелек үстел барысында төрт спикер өз тәжірибесімен бөлісті. Оның бірінші спикері №42 «Түймедақ» бөбекжайының дефектологі Абдурахманова Мөлдір Аманбеккызы, екінші спикер №37 «Мәншүк» бөбекжайының педагог-психологі, үшінші спикер №33 «Әлия» бөбекжайының логопеді Махмутова Мақпал, төртінші спикер №31 «Еркемай» бөбекжайының педагог-психологі Еділханова Жаңагул Еділханқызы.
Дөңгелек үстел барысында келген мамандар өз сұрақтарын қойып пікір алмасып, өз ұсыныстарын білдірді. Келген педагог мамандар дөңгелек үстелдің жоғары деңгейінде өткенін айтып, осындай іс-шаралардың жие өтуіне ұсыныс білдірді.
